خواطر وذكريات قديمة …
مِنْ شْمُسْطَارْ لَطَارّيَّا
من تنور بيت الحاج علي
نوّر رغيف الحب وطلمية المودّة
عالبركة حلّت يا بركة
ضوقلك هالطلمية
اي والله
من شمسطار
بارودة الإف إم بعدين عرفناها: (FM)
والانكليزية الطويلي
طاق دي تش تن طاق دي دي …
لك شو في؟ شو في؟
ما في شي، ما في شي، اجانا صبي!
الله مصلّي عروح النبي!
الله مصلّي عروح النبي!
زلغطو يا نسوان زَلغْطو
فاطمي مرت محمد أحمد اجاها صبي
وركضنا
ولاد زغار ناخد الحلوان
حبة دربس
كعب راحة الحلقوم
يمكن موز ملفوف بورق
ولحدّ اليوم بعدني
بحب الموز الملفوف بورق
وبعدني بحب البقاع وبعلبك والهرمل
وطاريّا اي والله طاريّا
بارودتي عم تشتكي
من شوقها للمعركي
د. أحمد دياب
نسعى لخلق لحظات جميلة
تغدو بمرور الزمن إلى ذكريات..
سعيدة أو حزينة
تجتمع في زاوية القلب
وتطفو إلى السطح في أي وقت شاءت
تلتف حولنا..تعانقنا..وتترك أثر عطرها
تصويب:
تغدو بمرور الزمن ذكريات
“وطار الزّمان وبعد في كومة حجارْ
تصرِّخ يا إيام الزّغر لا تهربي”
شِبْنا وما تبنا..! اللعنة على الشيطان الرجيم يحرّضني
على نشرِ الفضائح.. وكشف المستور
تْفَرَّجْ يا سلام.. عا الدُّنيا يا سلام..؟
قل للآخرين من أوهم البنت المزنطرة القادمة من بيروت
أن على شجرة التوت عشاً وعصفورة تحضن بيضها…؟
وحينما عربشت ولم تجد شيئا..؟
عاتبته على إفكه.. فلم يرتبك ولم يتحيّر وقال لها:
فقس البيض وطارت العصفورة وطار فراخُها معها
https://www.youtube.com/watch?v=yB9S6oE90O8
بيت الرحباني هؤلاء العباقرة ورواد الكلام والنّغم
ممن أوهمونا ضلالا بلبنان الكرامة والشعب العنيد
كما أوهمتَنا بعظمة ضهر المغارة والسلوقي وعين المركاب
وأقنعتنا بشفاعة النَّبي نَجُّوم وغزارة الكويف يروي سهل البقاع
وكفاءة الجماهير.. “وفرد الموزر” والإف إم “F-M” تنطلق
من قرب تنور بيت الحاج علي… فتبلغ أصدؤها سكان السماء
مع طلعةِ النُّور ونعمةِ الدِّني
كان عنّا بنتْ عَ راسها
جانا حمامي..
حاملي ع جْناحا صبي
“يقلاّ بعمرلك قصر تا تلعبي”
ناس تزلغط وناس تقوّس
وناس توزِّع ملبّسْ
وناسْ تنادي.. صلوا عالنّبي
“وطار الزمان وبعد في كومة حجار
تصرخ يا إيام الزغر لا تهربي”
مع طلعةِ النُّور ونعمة هالدِّني